影片
更多
2017-09-20
3899 浏览
今日实在系超级眼训加超级肚饿，好彩有屈小姐试衫，系赖生面前转下圈，令佢眼前一亮，先精神番D!!更好彩既系，屈小姐比赖生更早肚饿，所以早D食DINNER!!为左调查一下第时跑步既路线+跑步后食D咩补充，我地黎到中环威灵顿街既Healthy Chicken! 一间list晒所有Calories既舖头，等我地跑完步都可以安心食，份量又好大，健康低卡又饱肚，可以安心食!!黎到中环威灵顿街，见到大大只鸡同绿色门口就系嫁啦，而入面既侍应都系外国人黎嫁，虽然佢地系外国人，你可能有心理准备要讲英文，但赖生系外面睇紧食咩既时候，佢地居然用流利既广东话问赖生想食咩，好厉害呢!真心要赞一赞当然赖生都唔客气用番广东话同佢地沟通啦!不过呢间舖其实主打外卖，所以无乜位坐，得一张吧台可以容纳到5个人坐，坐得就唔算太舒服，而且...有d热，即使佢台面有放几部风扇仔，赖生都唔敢开，因为痴晒尘，一开吹入d野食度点算!!!睇完个menu之后，赖生同屈小姐都有决定啦....就同个侍应讲要一个鸡脾餐同一个三文鱼餐啦，个侍应随即好纯熟咁拎盒三文鱼出黎，慢慢夹入去个饭盒度，一块，咦，两块?，咦?? 仲有多块，成三块咁多呀!! 超正
更好彩既系，屈小姐比赖生更早肚饿，所以早D食DINNER!!
为左调查一下第时跑步既路线+跑步后食D咩补充，我地黎到中环威灵顿街既Healthy Chicken! 一间list晒所有Calories既舖头，等我地跑完步都可以安心食，份量又好大，健康低卡又饱肚，可以安心食!!
黎到中环威灵顿街，见到大大只鸡同绿色门口就系嫁啦，而入面既侍应都系外国人黎嫁，虽然佢地系外国人，你可能有心理准备要讲英文，但赖生系外面睇紧食咩既时候，佢地居然用流利既广东话问赖生想食咩，好厉害呢!真心要赞一赞当然赖生都唔客气用番广东话同佢地沟通啦!
不过呢间舖其实主打外卖，所以无乜位坐，得一张吧台可以容纳到5个人坐，坐得就唔算太舒服，而且...有d热，即使佢台面有放几部风扇仔，赖生都唔敢开，因为痴晒尘，一开吹入d野食度点算!!!
睇完个menu之后，赖生同屈小姐都有决定啦....就同个侍应讲要一个鸡脾餐同一个三文鱼餐啦，个侍应随即好纯熟咁拎盒三文鱼出黎，慢慢夹入去个饭盒度，一块，咦，两块?，咦?? 仲有多块，成三块咁多呀!! 超正，事关屈小姐系鲗鱼涌食另一间分店既时候，三文鱼餐系得一块嫁咋，跟住佢就问我地要咩饭，赖生就拣左一个蕃茄饭同一个糙米饭，但佢好好人，问埋我地要唔要试菠菜饭同埋要唔要豆，咁好，梗系要啦~~~所以话，赖生几时都话，出街带住屈小姐(靓女???)系有著数既 (屈小姐：其实唔关事......)
屈小姐之选
三文鱼沙律配是拉差辣椒酱
$82
181 浏览
0 赞好
0 留言
好似之前咁讲，呢间真系好抵食，呢个餐有多人地3倍既三文鱼呀!! 不过三文鱼既质素就差好远啦，另一间就即煎即整，呢间就一早整定，除左冻左d之外，有d腥同埋overcook，肉质超实....
赖生之选:
鸡脾沙律配芫荌沙律酱
$72
155 浏览
0 赞好
0 留言
鸡脾沙律餐
$72
197 浏览
0 赞好
0 留言
2)鸡脾沙律餐: 4⭐️
只鸡脾大到同个盒一模一样，真系拎黎打人，何止牙骹软，打甩都仲得啦!! 鸡脾就比三文鱼好味好多啦~~入味，鸡肉又滑又多!!加埋林林种种既配料，超抵食!!
仲有好多新鲜既沙律菜，大量粟米，令成盒沙律饭好甜好好食，加上又有大量蕃茄粒同黑豆，酸酸甜甜又有黑豆味中和D甜味，味道层次超丰富!!可谓集抵食、健康、好味于一身!
至于饭底既选择
1) 蕃茄饭:4.5⭐️
酸酸甜甜几好味!!好夹个沙律食既
2) 菠菜饭:4⭐️
菠菜酱拌饭既味道，味道得宜
3)糙米饭:3.5⭐️
健康之选，味道就冇乜嫁喇~~因为冇调味麻
沙律酱:
1) 芫荽酱:2⭐️
都冇芫荽味既....，纯粹叫有 Pat酱加落去令个沙律湿d，易入口d，就健康角度黎讲，唔加仲好
2)是拉差辣椒酱 (中辣) :4⭐️
呢个就唔同啦，有好明显既辣味，沙律酱既甜味又中和番，令佢唔会太辣，加落沙律度食，味道层次更丰富!
好彩我地今次有黎到睇一睇呢间舖，等我地第时跑步多间选择，不过要注意一下卫生情况，如果唔系，下次我地应该都系拎走食多....haha!!
P.s. Healthy Chicken 会系2017年9月尾至10月头装修，希望可以改善下环境啦~ 我地会再番黎嫁！如果做到鲗鱼涌店咁就好啦
#沙律怪
#菜怪
#健康控
#容易肚饿既体质
#去完旅行个胃撑大左
#要开始减肥啦!!努力!
#太好啦!!揾到答案又揾到一间可以食既野
张贴
