尚上下夏 - 養生雞煲火鍋 (已結業)

完成左个大project，公司吹鸡去附近打鸡煲，既然叫到当然出席啦。为左食呢个鸡煲，今日lunch专登留肚架。首先当然食鸡煲锅啦，我地选择左全部鸡脾肉，鸡肉用好多香料炒煮过，包括花椒，八角等有点麻辣味道，这味道亦相当抢喉攻鼻，正呀。其他香料仲有大蒜，大葱，洋葱，西芹等等，所以令酱汁及味道调较成相当惹味。至于鸡脾肉煮得入味之余仲相当嫩，肉质够晒滑溜，每件都系鸡脾肉咁食都系第一次，食到流晒口水，份量都够晒，一只黎讲基本上4-5人都食唔晒。鬼马墨鱼都真系算几鬼马，外里睇落只系一条铺满蟹子既东西，原来系蟹子铺系油炸鬼上面，而且中间仲夹住墨鱼滑添。老板话煮既时间唔使好耐，大概3分钟即可以。食落蟹子既啪啪声，仲有墨鱼滑既嫩滑，加上油炸鬼既香脆，口感层次丰富，够晒古惑。最后食埋手切安格斯牛，哗牛肉雪花分布唔错，食落就更加感受到雪花脂肪同牛肉既比例系刚好，令口感滑到洽到好处，而又唔觉得成口油利。至于师傅既刀功都可见一斑，厚薄度适中，唔会食左好似觉得食左张纸咁无乜口感，浸埋落鸡煲个汤汁度味道比沙嗲牛肉就更好味。