居食屋「和民」 (已結業)

今日放工来到葵芳新都会广场揾野食，无想过平日都系间间餐厅都要等位，最后我拣左算唔洗等咁耐的和民（虽然都要等30分钟…）一入到餐厅感觉餐厅好阔落，位与位之间有好多空间，讲野大声d都唔怕有人听到，我同朋友被安排到一个卡位，唔洗同人逼，好满意。呢度提供到各式各样的日本食物，望到餐牌已经流晒口水，但系价钱就有d偏贵，平均要100蚊一个菜，最后我地分别叫左牛肉锅烧乌冬同埋豪快原只鸡腿男前䐁骨拉面，因为卖相真系好吸引。首先讲下个拉面，拉面的质感好特别，而且每一条拉面都吸收左汤，食落口好香好丰富，真系净食拉面都好满足，之后当然少不了重头戏鸡腿，呢只鸡腿多肉多汁，无偷工喊料，同汤的配合都好好，可惜汤有点咸，将鸡腿原有的鸡香覆盖左，至于其他配料例如蛋同菜都中规中举。整体来说我系好满意呢个拉面，丰富的香味同多肉的鸡腿都令我好满足，只系汤有点咸。至于牛肉锅，我个人觉得性价比唔太高，味道同连锁牛肉店的火锅差别不太大，但系溏心蛋好食，牛肉都唔差，拉面的质感几好，但如图份量唔多，料都唔多，所以我并唔推荐来呢度食呢个火锅。