媽咪雞蛋仔 (已結業)

行街见到间舖名好得意，叫妈咪鸡蛋仔。佢哋有好多唔同口味既鸡蛋仔之外，仲有唔同口味嘅格仔饼 ，款款都好似好好食，真系搞到我心大心细。最尾我叫咗原味鸡蛋仔加云呢拿雪糕 同埋黄金鸡蛋仔。另外仲叫咗两杯饮品， 分别系芒果沙冰同埋港式奶茶豆花。其实一直都觉得，原味鸡蛋仔系最好食嘅。今次加埋雪糕落去，估唔到又几夹㗎㖞，仲以为啲鸡蛋仔会畀啲雪糕整到淋晒结果梗系唔系啦。妈咪鸡蛋仔嘅鸡蛋仔比平时出边食嘅鸡蛋仔挺身，真系好好食。而黄金鸡蛋仔其实就系加咗咸蛋黄， 完全紧贴到潮流，依家兴加咸蛋黄入食材到，夹埋咸香得黎又甜甜地，真系好得意好好味。最后想提嘅系佢嘅饮品，港式奶茶豆花 ，饮落去有少少似饮紧珍珠奶茶咁，但系当然口感就系豆腐花而唔系珍珠啦。佢咁多味下次要再去试过先得。