滿屋雞蛋仔 (已結業)

经常见到人哋食满屋鸡蛋仔，除咗造型可爱之外，应该味道都唔错，今日经过新都城，见到呢间系专卖小食，所以就坐低试吓。店内布置同其他分店一样都系咁色彩缤纷，好多可爱公仔，另外仲有一间小店系售卖饰物及产品。呢间分店以小食为主，所以冇平时嘅二人套餐，但系就有自选粉面套餐，价格一样系咁抵食。仲试咗好多款圣诞蛋糕西班牙辣肉肠薄饼 $38新鲜即制，上面充满芝士酱，入口好好吃。炸薯条配蛋黄酱 $25薯条新鲜又够粗，充满薯仔味，蛋黄酱味道特别，原来都几夹。章鱼烧鸡蛋仔 $30仲以为出嚟系同一般鸡蛋仔差唔多样，原来个样就同大阪烧一样，唔系甜而系咸嘅，而且味道都好似大阪烧，甚至比大阪更好食，入面有丰富嘅章鱼粒，食到令人停唔到口。姜饼香草慕丝爱抱抱 $38慕丝口感松软，配合姜饼迎接圣诞。双重朱古力爱抱抱 $38朱古力味香浓，蛋糕底部仲有小饰物赠送，又有得食又有得玩。伯爵茶千层蛋糕 $24伯爵茶味都不算好浓，蛋糕一层一层富有口感黄金流心芝士挞 $18芝士挞做到流心效果，味道香浓又不腻。鲜橙苹果汁 $30叫咗支鲜榨果汁，因为两种水果混合嘅关系，味道较为特别。