媽咪雞蛋仔

营业中

休息中

行行下街最岩就揾d小食食下妈咪鸡蛋仔都好多年架啦，以前系红磡读书都会趁有小休黎买返底鸡蛋仔。最近又搬左新舖，当然要黎买返底鸡蛋仔食下，回味下。家下愈出愈多款鸡蛋仔，款款口味又唔同，花多眼乱。每只味都好得意，想食传统既味又有，甜既味又有，连咸既味都有，总有一款满足到你。今日买左底香蕉朱古力鸡蛋仔，见到加$20仲有埋两个雪糕球，所以就加埋雪糕了。雪糕有云尼拿味或朱古力味。鸡蛋仔即叫即制，其实唔洗好耐，我已经有得拎啦。哗好靓呀，鸡蛋仔配埋两个雪糕球，呢个甜品好正好丰盛好满足呀。云拿尼雪糕好好味，好creamy又香浓，牛奶味仲好重架。而鸡蛋仔热辣辣。即叫即整，点会唔好食呢。好滋味呀。鸡蛋仔外皮脆脆，中间咬开会见到有朱古力粒同香蕉粒，好正。由于系成底鸡蛋仔夹住雪糕球，当食下食下雪糕会融到鸡蛋仔度，之后食食下鸡蛋仔都会同埋蛋糕一齐食。虽然系食得狼狈少少，但味道一流。好彩呢间点对出仲有好多椅子，我可以慢慢食完先行。除了叫左鸡蛋仔，我仲点左杯鲜榨柠檬水，酸酸地好开胃呀，好正呢，大满足。