Cha:fe (已結業)

以前系荔枝角𠮶头返学，每天最难嘅难题，唔系书本上要解嘅数学题，而系每日lunch要谂食乜，呢样亦系每日最期待嘅时刻，同同学一齐食下饭，谈天说地，讲下八卦，真令人怀念。最近南昌附近开咗个新商场 — V Walk，咁啱经过呢头于是入去行下啦，好似我咁有选择困难嘅小朋友有难喇，多咗咁多选择😂唔太肚饿嘅关系，又单拖一丁友，最后决定去食个轻食医下肚，香港嘅cafe愈开愈多，今日见呢间好新，未见过，一于就佢啦。环境唔错，出面望到街景，好开阳舒服，一路睇景饮啡最写意。叫咗个鸡蛋烤三文治多士，厚厚嘅烘多士，少少㶶，好香好脆，蛋炒得好滑，夹埋d生菜，好fresh好好食。冻咖啡几香滑，唔太甜，几啱我口味，下次再试埋其他先。