Mr. Korea Chicken (已結業)

迟咗成年，第一次食呢味嘢，韩国炸鸡。一入到个场就feel 到𠮶种韩风，大大声播K pop，有韩籍侍应，冇装修，胶碗碟，叫嘢食仲自己剔纸仔，摆明后生仔地方。不过，望吓个价钱，一啲都唔后生，炸鸡＄190一客，十零件，细细件咁啰。我哋叫酸甜炸鸡，个皮几脆同几酸甜，不过入面就冇乜味；另外叫咗酱油鸡翼，又系＄190 ，10-12只左右，会唔会贵咗少少呢？味道都ok，同上。最迷离系个＄110香辣拉面，大家以为百一蚊，应该有个锅挂，点知系个锅仔，叫做有几只青口，鱿鱼同虾仔，面系韩国即食面，＄110?同场仲加映侍应喺正隔离用碧丽珠抺枱，一路食一路吸，真系后生仔至得。不过，收廿八蚊罐可乐又冇冰㖞，后生仔钟意饮冻嘢架嘛。呢味嘢去一次够，我食番家乡鸡。By the way , 我哋4个人食完唔饱，去楼下白木屋再食过。