香港雞皇 (已結業)

西贡有几间出名食海南鸡既食肆，金乜旺乜𠮶啲就比较出名，但出名就代表多人，同男朋友仔系西贡完露营出返嚟，搭车之前谂住医一医肚，决定试下呢间马路边既小店，虽然无乜装修，但系都几有人情味。舖头名开宗名义讲明叫鸡皇，咁紧要试下主打既鸡啦。我哋分别叫咗海南鸡饭同口水鸡饭，效率都几高，好快就上咗菜。首先试既系口水鸡，有唔少既葱花、酱油同辣椒油，卖相唔错，不过口味偏重，如果淡返啲会好啲，但送饭都可以。而海南鸡，鸡肉比较干身，亦有碎骨，食既时候要比较小心，而酱汁系现成既泰式甜辣酱，不过价钱系西贡嚟讲唔算好贵，不过不失。反而鸡饭煮得ok，有鸡油黏住啲饭，有咸鸡香，亦有啲姜黄味道，饭质软糯，而且份量都几大，感觉吸引过作为主角既鸡。