孖寶去骨海南雞 (又新街)

营业中

休息中

今日经过又新街就同朋友入咗去试呢一间海南鸡嘅餐厅，我哋叫咗个二人套餐，套餐入边包左半只海南鸡仲有小菜同埋菜，仲包埋汤同埋饮品，性价比都好高。个小菜我哋就要左鱼香肉饼，肉饼煎得好香，至于个海南鸡有唔同嘅酱汁可以点，啲鸡都系好滑。另外再叫多咗一个小食，就系炸虾饼，应该系新鲜炸嘅，份量有好大旧。仲有碟油菜，点都要有啲差平衡一下，咁先健康㗎嘛。饮品就叫咗冻柠茶少甜小冰同埋冻奶茶少甜小冰，正正常常啦。值得一提嘅系个汤几好味，好似屋企煲𠮶啲汤咁，有南瓜同埋鸡脚系入边。不过坐得就唔算好舒服，但系以呢个价钱来讲，都预咗嘅。