Wingman (船街) (已結業)

好耐之前食过一次，今次再黎帮衬，试吓其他味道嘅鸡翼同以前冇嘅burger。同上次一样，都系点2款鸡翼，不过今次唔系薯条，系转左要burger。加勒比海鲜辣鸡翼卖相不错，每只都有烧菠萝、葱粒、酱料，鸡肉好入味，食入口有啲烧烤酱加上酸酸甜甜，有d似pizza味，鸡肉嫩滑，唔错。金鸡Menu 写系特制，佢个名隔离有只金鸡公仔，心谂唔通系镇店之宝？🤣系唔系镇店之宝就唔知，不过卖相真系与别不同，金色碟嘅摆盘，再配上洒满金箔粉嘅鸡翼，名副其实既金鸡。鸡皮香脆，鸡肉同样Juicy，味道方面，入口有带rosemary 的浓厚牛油香味响鸡肉内涌出来，忍唔住食完一只又一只。Thunderbird 系一个厚脆鸡扒burger，配料有幼细嘅青瓜丝，生菜，千岛酱汁，鸡扒非常厚身，鸡扒热辣辣外脆内软，配料既比例拿捏得很准确，唔会太少，总之啖啖有包有肉有菜有酱，好满足，系出色既鸡扒汉堡。嫌食鸡翼麻烦嘅朋友可以嚟呢度食burger 🤣整体上都系十分之满意，可以再来帮衬第三次。