影片
更多
2017-03-23
66 浏览
韩式炸鸡大行其道！唔知你有无食厌咗炸鸡？想试试其他韩式鸡款？我就系因为唔想下下都食咁多油立立的炸鸡，先经朋友介绍，去大坑的Two Two Chicken揾食！！ 舖仔细细，但都有软座位、街景位同埋bar枱位。 系Two Two Chicken 食炸鸡，仲可以有手套提供，唔怕食到污糟晒~~ 呢度，单系鸡的口味，就有六款之多！半只HK$88，一只HK$158。今次话明唔食炸鸡，所以专试其他口味！ 食得炸鸡，又点可以无韩酒？饮返两杯白露先~~ 先黎是半只四川麻辣口味，以及蒜溶味的炸鸡。配上新鲜椰菜丝。 一上枱，就俾个四川麻辣味抢晒，真系好香啰！个种麻香味，又真系做得好鬼好！金黄式的炸鸡外层，加上个麻辣，爱辣人仕，可以一试。而且都辣得有啲层次架~~~ 蒜香炸鸡。开头以为系有炸过既蒜片系面个种。但估唔到原来韩式，系淋上生蒜蓉！ 对比起黎，分分钟个生蒜蓉会仲辣过四川口味！以上是鸡胸肉部份，都做得几好，唔会鞋呢~~ 烧汁炸鸡，呢款系我最爱。个酱汁都几杰架~ 有著爆多的芝麻，食起上黎更加香呢~~ 个酱好惹味，而且唔会咸，配上芝麻，食起上黎更有咬口。 椰菜丝
韩式炸鸡大行其道！唔知你有无食厌咗炸鸡？想试试其他韩式鸡款？我就系因为唔想下下都食咁多油立立的炸鸡，先经朋友介绍，去大坑的Two Two Chicken揾食！！
舖仔细细，但都有软座位、街景位同埋bar枱位。
系Two Two Chicken 食炸鸡，仲可以有手套提供，唔怕食到污糟晒~~
呢度，单系鸡的口味，就有六款之多！半只HK$88，一只HK$158。今次话明唔食炸鸡，所以专试其他口味！
食得炸鸡，又点可以无韩酒？饮返两杯白露先~~
先黎是半只四川麻辣口味，以及蒜溶味的炸鸡。配上新鲜椰菜丝。
一上枱，就俾个四川麻辣味抢晒，真系好香啰！个种麻香味，又真系做得好鬼好！金黄式的炸鸡外层，加上个麻辣，爱辣人仕，可以一试。而且都辣得有啲层次架~~~
蒜香炸鸡。开头以为系有炸过既蒜片系面个种。但估唔到原来韩式，系淋上生蒜蓉！
对比起黎，分分钟个生蒜蓉会仲辣过四川口味！以上是鸡胸肉部份，都做得几好，唔会鞋呢~~
烧汁炸鸡，呢款系我最爱。个酱汁都几杰架~ 有著爆多的芝麻，食起上黎更加香呢~~
个酱好惹味，而且唔会咸，配上芝麻，食起上黎更有咬口。
椰菜丝配上沙律酱，十分爽口新鲜~~
鸡脾部份十分滑溜，熟度刚好，不会有鞋鞋的感觉。配上个汁一流！
最后再叫咗个白汁蘑菇焗饭。用料都几足，不错~~
张贴
