Goobne Chicken (M88) (已結業)

两个月前去韩国无食到烤鸡，今次黎补返数🤗，位于中环M88，方便友人返工lunch。烤鸡款式多，简左我最想试果两款，本身想叫一鸡🐔一沙律🥗，但见到隔离劲大盘，怕食唔哂浪费，所以叫左两鸡，可试更多口味。铁板忌廉芝士鸡（无骨）$185有新野梗系要试下啦，哗～极度邪恶丫！用洋葱、青椒同蒜蓉煮成既鸡柳，再配上意粉同软滑既忌廉芝士。鸡肉无骨，味道似浓味版白汁鸡皇意粉。重点系个年糕，非常烟韧软淋😍，年糕口感同味道我比满分丫。果味蒜香烤鸡 $185食落阵阵蒜香味，略带酸甜，味道清新。外皮好食，加上肉质够滑嫩，亦充满肉汁，韩国烤鸡真系无得输。柚子沙冰 $64将柚子、糖浆同冰块搅拌而成，味道酸酸甜甜，好似食紧西柚甘，醒神开胃。食到两人饱饱离场，如果一大班人黎食，试哂唔同口味，应该会更开心。