影片
更多
2019-09-24
139 浏览
大角咀呢間「食雞」，嗰名好過癮，令我諗起「食鬼」呢個遊戲，所以話改名能夠成為話題都係成功嘅第一步🤗個招牌有隻雞仔戴住黑超🕶️招招積積咁，夠哂貼題，小朋友睇見都開心🥳雞煲火鍋放題，二百零元任飲任食，最重要係無時間限制，最諗今晚約咗老友聚舊吹水😬有四款不同口味嘅雞煲，仲可以自己選擇配料喜好多寡，今晚揀番個椰香雞煲試吓先😋店員比個計時⌛️器我哋，等3⃣️分鐘就食得，好心急，口水流呀😬打開煲蓋之後，好濃烈嘅椰香味，加上有芋頭和栗子🌰，仲有百里香、椰子肉，有啲似泰國feel，雞肉都好嫩滑入味，如果覺得唔夠喉，仲可以無限追加架😍自助火鍋配料區擺放整齊，材料新鮮，雖然唔算太多種類，但係樣樣都好啱我心水👍🏻食完雞煲，開始第二個Round，我地轉左個蕃茄湯底，一系列嘅火鍋配料同時送上，特長蟹柳條真係好少見，炸魚蛋、水晶魚蛋超級彈牙又夠魚味，小牛排🥩夠肉味，仲有炸魚皮，真係數都數唔晒😍日本版嘅出前一丁，零捨不同，比較幼身和爽口，不計成本👍🏻自家製啫喱，加埋花奶，開心就係咁簡單🥳提提大家，如果嚟呢度食嘢，最好訂定枱穩陣啲，雖然位置唔係好就腳，但係真係好受歡迎，証明香港人真係好識食😬
個招牌有隻雞仔戴住黑超🕶️招招積積咁，夠哂貼題，小朋友睇見都開心🥳
雞煲火鍋放題，二百零元任飲任食，最重要係無時間限制，最諗今晚約咗老友聚舊吹水😬
有四款不同口味嘅雞煲，仲可以自己選擇配料喜好多寡，今晚揀番個椰香雞煲試吓先😋
店員比個計時⌛️器我哋，等3⃣️分鐘就食得，好心急，口水流呀😬
打開煲蓋之後，好濃烈嘅椰香味，加上有芋頭和栗子🌰，仲有百里香、椰子肉，有啲似泰國feel，雞肉都好嫩滑入味，如果覺得唔夠喉，仲可以無限追加架😍
自助火鍋配料區擺放整齊，材料新鮮，雖然唔算太多種類，但係樣樣都好啱我心水👍🏻
食完雞煲，開始第二個Round，我地轉左個蕃茄湯底，一系列嘅火鍋配料同時送上，特長蟹柳條真係好少見，炸魚蛋、水晶魚蛋超級彈牙又夠魚味，小牛排🥩夠肉味，仲有炸魚皮，真係數都數唔晒😍
日本版嘅出前一丁，零捨不同，比較幼身和爽口，不計成本👍🏻
自家製啫喱，加埋花奶，開心就係咁簡單🥳
提提大家，如果嚟呢度食嘢，最好訂定枱穩陣啲，雖然位置唔係好就腳，但係真係好受歡迎，証明香港人真係好識食😬
张贴
