二十道

北角新开咗呢间拉面居酒屋，原来餐厅由逾二十年经验的厨师主理，以五种味道、五种颜色、五种烹调方法及五种态度炮制菜式，所以叫"二十道"。拉面系佢哋其中一样主打，质素都不错！🍜西班牙白豚肉(鸡浓汤)拉面 $78一上枱卖相都吸引。西班牙白豚肉腌得好入味！问过师傅原来西班牙白豚肉经西京面豉腌过再生烧，难怪咁入味软稔好食。另外配菜都丰富，有蕃茄仔、露笋、黄瓜、日本水菜，黄瓜上面嘅唔系普通木鱼，其实系樱花鱼片(即系鱼蛋片），比普通木鱼更浓味道更好食。呢度嘅个鸡浓汤拉面，味道不错，食完都唔会口渴，味浓鲜甜得黎，又唔会好油（ 其他拉面店有时会劲油）。原来呢个都系师傅故意设计嘅，拉面唔会劲油，配菜都系一啲健康嘅蔬菜（又唔同普通拉面店既荀呀𠮶d），目的系想客人享受美食得嚟都可以健康一啲。个汤底都几特别，原来除咗鸡之外，师傅透露加左帆立贝去淆制，难怪带有一种特别鲜甜既味道！西班牙白豚肉拉面嘅汤底仲加咗rosemary香草，所以味道更丰富更多层次。另外一样比其他拉面店有特色唔同嘅系，除咗七味粉，佢哋仲提供鱼干白醋可以调落拉面度食，由于加咗鱼干，零舍香d。🍜和牛拉面(鸡浓汤)$116有三大块日本和牛， 和牛质素都