影片
更多
2014-01-23
1575 浏览
今日等登放假还亚爸心愿去沙田食鸡粥做午餐, 一行三人转车又转车终于去到, 坐底第一时间就叫咗一锅"招牌鸡粥", 之后再叫咗"棉花鸡"同"鸭脚扎", 结果...招牌鸡粥 $78/锅粥底好棉, 好香, 无味精. 鸡件有咸味, 好滑. 两者分开食系好食既, 但夹埋之后就似系热粥+烧味白切鸡. 佢系用瓦煲上枱的, 但粥并无滚紧, 个煲耳亦唔热, 绝对唔会烫亲.棉花鸡及鸭脚扎 (特点)两样都应该系即叫即蒸, 因为都等咗一段时间先有, 食落都好热. 棉花鸡既棉花系一片片既, 有D似猪皮, 哈... 鸭脚扎就...外面既腐竹有雪味, 鸭脚就唔够爽, 谂谂地, 而芋头就唔够粉同唔够香.呢间嘢有两样嘢系好值得赞, 第一系服务, 非常殷勤同好醒, 只要你有小小"头鳄鳄", 或者想鳄起头, 佢地已经知道你想点, 好快咁行埋嚟. 比额外碗仔仲帮你用热水洗埋, 攞上手既湿又暖. 你张枱放到一枱都系餐牌或者order纸, 佢就会走埋嚟执返好, 张枱继续整齐. 第二系就系碟头饭, 真系好大碟饭架, 所以我见食客好多都系男仕, 个个都系入嚟食碟头饭. 我见到隔离枱个碟烧鸭/鹅饭, 我谂我要食两餐先食得晒佢,
招牌鸡粥 $78/锅
粥底好棉, 好香, 无味精. 鸡件有咸味, 好滑. 两者分开食系好食既, 但夹埋之后就似系热粥+烧味白切鸡. 佢系用瓦煲上枱的, 但粥并无滚紧, 个煲耳亦唔热, 绝对唔会烫亲.
棉花鸡及鸭脚扎 (特点)
两样都应该系即叫即蒸, 因为都等咗一段时间先有, 食落都好热. 棉花鸡既棉花系一片片既, 有D似猪皮, 哈... 鸭脚扎就...外面既腐竹有雪味, 鸭脚就唔够爽, 谂谂地, 而芋头就唔够粉同唔够香.
呢间嘢有两样嘢系好值得赞, 第一系服务, 非常殷勤同好醒, 只要你有小小"头鳄鳄", 或者想鳄起头, 佢地已经知道你想点, 好快咁行埋嚟. 比额外碗仔仲帮你用热水洗埋, 攞上手既湿又暖. 你张枱放到一枱都系餐牌或者order纸, 佢就会走埋嚟执返好, 张枱继续整齐. 第二系就系碟头饭, 真系好大碟饭架, 所以我见食客好多都系男仕, 个个都系入嚟食碟头饭. 我见到隔离枱个碟烧鸭/鹅饭, 我谂我要食两餐先食得晒佢, 仲要两餐都好饱添, 呢个几钱就唔知, 但客饭好似系$36仲有汤跟添.
因为比人闹成日都系相机食先, 所以都唔敢影相, 就系咁无相睇喇.
张贴