Balencia Bakery & Cafe (已結業)

今日下奏去到太和谂食乜好！我朋友谂起太和有间A-1开既cafe未试过，所以二话不说就去试吓！地方都阔落，但系中午食饭时间都大把位，都知有诈喇！心谂可能太贵所以冇乜人姐！所以即管试试！睇到餐牌个个餐最平都要六十几炆起步，我个人觉得贵唔系问题，最小都要比番个价既食物吖！我叫左个印尼炒饭加冻柠茶，我朋友本来叫个卡邦尼意粉，但个职员落错左个墨汁意粉，都算数啦！经常都会发生。先介绍我朋友个墨汁意粉淡到冇味，又小意粉又小材料，一人正常成年人要两个餐先够，d墨汁同意粉分得好开，食到我朋友个嘴黑哂但系用纸巾好难整干净，要返屋企洗到，个餐跟左个沙津同南瓜汤，都仲算好一般！不过都收$78！到我自己个印尼炒饭喇！份量系正常既1/3，小得可怜！睇餐牌有串烧两串有虾片同大虾，不过佢冇写系迷你啰！虾片超细块，串烧超细条，大虾变细虾，个饭既size只有酒楼既碗仔仲要细，口大既人两啖KO左个饭啦！味道同茶记$48一碟仲要差，我个汤系杂菜汤一种讲唔出既怪味，类似红花油既味，难饮！个沙津我未食过有辣招，仲有超硬既野（我都唔知系咩黎）！仲有个冻柠茶走埋糖，小甜都好吖！咁都收$78....！食完我好似冇野落过肚咁.....经