影片
更多
2022-08-02
370 浏览
唔知大家有冇去过吉澳呢？其实吉澳系香港嘅一个离岛，喺沙头角附近嘅，今日我就去咗行呢个离岛，顺便去吉澳最出名嘅酒家 - 益民酒家食咗个lunch😋我哋今日叫咗客家炆猪肉、白切鸡、白灼菜心，当然唔少得佢哋嘅招牌菜 - 蒸墨鱼丸😍😍😍😍首先嚟嘅系白切鸡，我哋今日3个人食叫咗个例牌，就同出边街食冇乜特别，所以就唔多讲啦。跟住就嚟到客家炆猪肉，因为客家人炆猪肉1定要用好肥嘅猪肉，所以我哋系食到好多肥猪肉🤣但啲肥猪肉捞饭真系好好食，个汁唔算太咸，夹埋个肥猪肉，再捞埋落个饭食，件事错晒，搞到我食咗2碗饭😋再之后就嚟咗蒸墨鱼丸，真系反晒规，墨鱼真系新鲜到不得了，超级弹牙，我朋友争啲唔留俾我食，我哋最后都系忍唔住要叫多碟，超级新鲜，超级足料，朋友呀直程食到墨鱼丸🦑个圈圈，证明系新鲜食材，呢个𩠌搞到我朋友又食咗2碗饭🤣最后就系白灼菜心，虽然你会觉得菜系普通食物，但系佢嘅份量好多，多到我哋3个人都食唔晒，碟菜真系好抵食👍另外1提，佢哋有好多自家制嘅凉茶，例如鸡骨草同洛神花茶等等，我哋今日叫咗个洛神花茶，唔算太酸，都几好饮，如果需要清热，食饭时都可以叫返支嚟饮😋总结：益民嘅价钱，因为系离岛嘅关系，所以一定会贵
我哋今日叫咗客家炆猪肉、白切鸡、白灼菜心，当然唔少得佢哋嘅招牌菜 - 蒸墨鱼丸😍😍😍😍
首先嚟嘅系白切鸡，我哋今日3个人食叫咗个例牌，就同出边街食冇乜特别，所以就唔多讲啦。跟住就嚟到客家炆猪肉，因为客家人炆猪肉1定要用好肥嘅猪肉，所以我哋系食到好多肥猪肉🤣但啲肥猪肉捞饭真系好好食，个汁唔算太咸，夹埋个肥猪肉，再捞埋落个饭食，件事错晒，搞到我食咗2碗饭😋
再之后就嚟咗蒸墨鱼丸，真系反晒规，墨鱼真系新鲜到不得了，超级弹牙，我朋友争啲唔留俾我食，我哋最后都系忍唔住要叫多碟，超级新鲜，超级足料，朋友呀直程食到墨鱼丸🦑个圈圈，证明系新鲜食材，呢个𩠌搞到我朋友又食咗2碗饭🤣
最后就系白灼菜心，虽然你会觉得菜系普通食物，但系佢嘅份量好多，多到我哋3个人都食唔晒，碟菜真系好抵食👍
另外1提，佢哋有好多自家制嘅凉茶，例如鸡骨草同洛神花茶等等，我哋今日叫咗个洛神花茶，唔算太酸，都几好饮，如果需要清热，食饭时都可以叫返支嚟饮😋
总结：益民嘅价钱，因为系离岛嘅关系，所以一定会贵啲。但系所有𩠌都份量十足，尤其是墨鱼丸，超级新鲜同埋足料，绝对系满足左我哋嘅胃。
同埋唔系你话想去食就想去食，真系要搭好耐船先可以去到食，有时间可以黎一次离岛游家食饭都不错🤗
张贴
