雞翼山 (裕民坊YM²)

营业中

休息中

本人由鸡翼山旺角一开果时已经帮衬，当时系相当不错，之后到观塘开分店，仲要系新开张，第一次去都还可以，结果在上星期买个外卖鸡翼是生的，唔熟。我打电话去职员叫我有时间就落去，补番比我。最后我昨天经过念住补番4只鸡翼。埋去柜位同个带眼镜，肥肥地既小姐讲，佢同我讲话转头记住自己系100号筹。转头叫我。眼见得果3个人等紧。结果d人已经拎晒外卖。我仲企系度，睇住入面职员做紧自己野。无人整过我既鸡翼。我再行去问，有个似系呢间分店既负责人同我讲话佢刚刚行开左，问我咩事，我就照讲，之后话鸡翼炸紧，我眼见个女仔先拿拿声开始整，跟本头先自己唔记得！呢件事我真系对鸡翼山好失望，越做越差！以前我见佢鸡翼系好多新鲜炸，观塘呢度，就讲今次我系睇住佢将炸定既鸡翼再番炸！然后去再加工密糖之类。以前拎到番屋企食落口仲热辣辣，而家就算堂食都唔热(观塘店)。仲要请埋呢d员工，呢头叫完我等阵，你话你好生意唔记得我唔怪你，唔计我得3个客，你咁都唔记得？咁你点样去整好个鸡翼比人食？收人三十几四十蚊，4只鸡翼，成九蚊只㖞大佬，我都想请教下鸡翼山老板，买一磅鸡翼几钱。应唔应该去检讨下分店既出品。咁既质素，自己屋企整无咁兴！