影片
更多
2008-02-06
2 浏览
1号同4个friend一齐去食韩烧. 呢个价钱, 无期待过有咩特别好嘅野食, 所以唔多讲. 想讲嘅系果度嘅某个长曲发女部长.5个人食2个钟. 同一张梗枱嘅另一边有3个人, 听到个带位同佢地讲佢地食个半钟.一心谂住隔篱都未食完, 点都应该仲有半个钟, 所以出得到去攞野食几个就出去再攞野食.呢个时候有个男部长走嚟同我地讲够钟, 要埋单. 最初以为佢净系同隔篱讲, 点知原来2枱都系. 睇吓表, 又真系够钟, 咁都ok啦. 叫佢攞单过嚟, 我地咪埋单走人啰.等等吓, 有个女部长好恶咁走过嚟:喂!你地呢枱坐到过晒钟啰㖞!大姐!你都唔攞单嚟俾我埋, 我地点走呀? 系咪唔驶埋单就走得先?又等咗排, 亚男部长卒之攞单过嚟, 但系就得隔篱果张. 原来佢地以为我地系一齐嘅(大佬你地唔系电脑入单嘅咩?)当我地又喺度等埋单嘅时候, 果个恶死女部长竟然走嚟一手抢咗我个friend拎住喺手嘅信用卡!咩事呀家阵?!呢间野因为呢个亚姐即刻俾我地打入黑名单, 打死都唔会再去!!
呢个价钱, 无期待过有咩特别好嘅野食, 所以唔多讲. 想讲嘅系果度嘅某个长曲发女部长.
5个人食2个钟. 同一张梗枱嘅另一边有3个人, 听到个带位同佢地讲佢地食个半钟.
一心谂住隔篱都未食完, 点都应该仲有半个钟, 所以出得到去攞野食几个就出去再攞野食.
呢个时候有个男部长走嚟同我地讲够钟, 要埋单. 最初以为佢净系同隔篱讲, 点知原来2枱都系.
睇吓表, 又真系够钟, 咁都ok啦. 叫佢攞单过嚟, 我地咪埋单走人啰.
等等吓, 有个女部长好恶咁走过嚟:喂!你地呢枱坐到过晒钟啰㖞!
大姐!你都唔攞单嚟俾我埋, 我地点走呀? 系咪唔驶埋单就走得先?
又等咗排, 亚男部长卒之攞单过嚟, 但系就得隔篱果张. 原来佢地以为我地系一齐嘅(大佬你地唔系电脑入单嘅咩?)
当我地又喺度等埋单嘅时候, 果个恶死女部长竟然走嚟一手抢咗我个friend拎住喺手嘅信用卡!
咩事呀家阵?!
呢间野因为呢个亚姐即刻俾我地打入黑名单, 打死都唔会再去!!
张贴