影片
更多
2009-04-15
41 浏览
㖊日一行十四人去咗南丫岛，本来谂住去索罟湾食海鲜做lunch但系赶唔喥船期唯有去榕树湾，咁就俾咗个「机会」呢间黑店喇！本来同个伙计讲话预每人七、八十蚊budget叫佢同我哋写𩠌，点知佢已经好粗鲁咁话：「咁得炒粉面饭咋㖞！不如您哋自己睇餐牌啦」于是我哋睇餐牌叫嘢食，都已经发觉唔系太抵食，但叫做坐低咗，咪谂住叫几个𩠌，食少少，再战街头小食啰！以下系我哋叫嘅嘢食，全部系"中"，即系唔系例牌：炒蛏子 - $168 (佢落单讲明价钱，但无讲明份量系咁少 -- 得十八只好似尾指咁大只啰！)福建炒饭 - $120 (真系！份量得𠮶啲茶楼碗六、七碗喥，仲要咪装满先系㖞！)生炒骨 - $98 (好似系)粉丝杂菜煲 - $98 (好似系) (哗！个煲劲大，面头有两个蕃茄切开晒舖面，跟住下面啲𩠌劲少，大佬！菜都咁孤寒？就住食 -- 「系就住食！」每人应该有两条菜同一匙羹粉丝嘅)椒丝腐乳通菜 - $85 (好似系) 呢个份量最多，每人有一碗喥星州炒米 - $88 (好似系) 每人又系得𠮶啲茶楼碗六、七碗喥，仲要咪装满先系㖞！净米粉一碗 - $15、汽水一罐 - $15 (唔驶咁抢狂呀！)上面六样嘢加埋米粉一碗
本来同个伙计讲话预每人七、八十蚊budget叫佢同我哋写𩠌，点知佢已经好粗鲁咁话：「咁得炒粉面饭咋㖞！不如您哋自己睇餐牌啦」
于是我哋睇餐牌叫嘢食，都已经发觉唔系太抵食，但叫做坐低咗，咪谂住叫几个𩠌，食少少，再战街头小食啰！以下系我哋叫嘅嘢食，全部系"中"，即系唔系例牌：
炒蛏子 - $168 (佢落单讲明价钱，但无讲明份量系咁少 -- 得十八只好似尾指咁大只啰！)
福建炒饭 - $120 (真系！份量得𠮶啲茶楼碗六、七碗喥，仲要咪装满先系㖞！)
生炒骨 - $98 (好似系)
粉丝杂菜煲 - $98 (好似系) (哗！个煲劲大，面头有两个蕃茄切开晒舖面，跟住下面啲𩠌劲少，大佬！菜都咁孤寒？就住食 -- 「系就住食！」每人应该有两条菜同一匙羹粉丝嘅)
椒丝腐乳通菜 - $85 (好似系) 呢个份量最多，每人有一碗喥
星州炒米 - $88 (好似系) 每人又系得𠮶啲茶楼碗六、七碗喥，仲要咪装满先系㖞！
净米粉一碗 - $15、汽水一罐 - $15 (唔驶咁抢狂呀！)
上面六样嘢加埋米粉一碗同汽水一罐要$657呀！我觉得唔抵啰！好似好多碟但全部份量都系少到要配给咁！
另一过份系茶芥 - $100 FOR 14个人，唔知系点计出嚟，放低三碟花生就收咁贵！
仲要加一㖞！完全系十个气顶呀！成张单加加埋埋系$681.3，我同朋友讲佢收得加一仲要咁贵，无理由俾贴士，我哋俾足$681.3就走人
我上次食隔离"舢舨"都无咁过份呀！
完全黑店！本来张单影咗相，但头先唔觉得delete咗！
我觉得应该俾消委会处理啰！喺游客区咁抢狂点推广香港旅游呀！
张贴