心粥館 (已搬遷) 新店位置

今午想找过地方静静地食个午餐, 见到这间心粥馆咁多位, 都几舒服。睇完餐牌, 星洲炒米连餐饮三十几蚊, 都ok啦! 我同落单的讲咗要走洋葱, 佢张电脑单都有写明, 点知都系黎咗碟好多洋葱的星洲炒米。唔紧要, 我同店员讲我已讲明要走洋葱, 但都冇走。佢呆呆的企系度, 想睇要点。唔系嘛! 唔该帮我换过! 之后, 都系果个店员取来星洲炒米给我, 我正想动筷时, 发现点解中间都系有洋葱。唔系嘛! 以为夹起晒就再得, 我再叫回那店员, 我讲:「唔系嘛! 夹走啲大粒洋葱就算! 」店员回应:「你唔要洋葱, 咁你食其他嘢啦!」 我讲: 「我落单时已讲, 再叫你换。你哋啲星洲炒米一定要落洋葱咩! 算啦! 改炸酱面」个炸酱面都不好吃! 十分后悔, 难得放假, 想relax吓, 却遇到这种服务。 我心想, 不知是这间店的问题, 还是这店员的个别问题, 个客一早讲明唔要洋葱, 就咁夹到部份就算走咩! 若果个客系对洋葱有敏感, 不慎吃了, 怎办呢? 我不会再光顾这店!