影片
更多
2020-01-02
261 浏览
住离岛𠮶边嘅我真系好少出港岛区，如果唔系做嘢嘅话我谂我都唔会同老婆食到尼间活一鲜。😂入到去地方都企企理理，环境都唔错👍🏻我都差啲以为自己同老婆去咗日本🇯🇵😂坐低之后就嗌咗几样嘢食，包括北海道岩蚝，海胆烧带子，带子海胆蟹棒卷同蒲烧鳗鱼。个北海道岩蚝真系不得了，成只手掌咁大✋🏻真系好肥美。讲真一啖放落个口度系真系放唔晒😂作为一个男人都要分两啖食先得。一咬落去个蚝度🦪𠮶浸海鲜味同蚝味即刻出晒黎，仲出晒汁啊～加埋少少嘅柠檬汁仲鲜仲正。好彩老婆唔食蚝，我自己一个可以食晒两只😋之后就到海胆烧带子啦，首先个卖相都已经好吸引😋个带子烧得好靓，靓之余仲会见到有汁围住，唔会话烧到干晒。食落去都keep到好多肉汁，真系好正，加埋啲海胆食仲一流。因为个海胆好鲜好甜，配搭起带子Q弹嘅肉汁，可以话系绝配😁😆然后到带子海胆蟹棒卷，首先尼碟嘢系十分之丰富😧🤤有带子有海胆又有蟹棒，个带子仲大嚿过个卷饭，都几抵食。我一啖已经可以食到一个卷，但特别嘅系，我可以食得出佢哋嘅层次😧👍🏻唔会话放咗入口咬完就一pat嘢唔知食紧乜。带子有带子嘅鲜甜多汁，而且好有弹性。海胆都有海胆嘅松软同入口即溶，而蟹棒就同平时一样都系爽口鲜甜。到最
住离岛𠮶边嘅我真系好少出港岛区，如果唔系做嘢嘅话我谂我都唔会同老婆食到尼间活一鲜。😂
入到去地方都企企理理，环境都唔错👍🏻我都差啲以为自己同老婆去咗日本🇯🇵😂坐低之后就嗌咗几样嘢食，包括北海道岩蚝，海胆烧带子，带子海胆蟹棒卷同蒲烧鳗鱼。
个北海道岩蚝真系不得了，成只手掌咁大✋🏻真系好肥美。讲真一啖放落个口度系真系放唔晒😂作为一个男人都要分两啖食先得。一咬落去个蚝度🦪𠮶浸海鲜味同蚝味即刻出晒黎，仲出晒汁啊～加埋少少嘅柠檬汁仲鲜仲正。好彩老婆唔食蚝，我自己一个可以食晒两只😋
之后就到海胆烧带子啦，首先个卖相都已经好吸引😋个带子烧得好靓，靓之余仲会见到有汁围住，唔会话烧到干晒。食落去都keep到好多肉汁，真系好正，加埋啲海胆食仲一流。因为个海胆好鲜好甜，配搭起带子Q弹嘅肉汁，可以话系绝配😁😆
然后到带子海胆蟹棒卷，首先尼碟嘢系十分之丰富😧🤤有带子有海胆又有蟹棒，个带子仲大嚿过个卷饭，都几抵食。我一啖已经可以食到一个卷，但特别嘅系，我可以食得出佢哋嘅层次😧👍🏻唔会话放咗入口咬完就一pat嘢唔知食紧乜。带子有带子嘅鲜甜多汁，而且好有弹性。海胆都有海胆嘅松软同入口即溶，而蟹棒就同平时一样都系爽口鲜甜。
到最后个蒲烧鳗鱼啦，平时我同老婆都好钟意食鳗鱼，唔理系边度都好见到有鳗鱼就想试，今次尼个都唔例外🤤碟嘢有两块鳗鱼，上面都铺满咗好多汁同加咗啲芝麻做点缀。一啖已经不得了，可以话系外脆内软，个肉质十分之软熟同劲香滑，仲有少少烧出黎嘅焦脆，真系好正👍🏻👍🏻如果惊腻嘅话佢上面有啲类似嘅酸菜粒😂唔怕食济。
总括黎讲尼间嘢cp值都几高，值得一试。
张贴
