蘇花餐室

营业中

休息中

去到陌生既地方做野，周围贡揾野食。落住大雨，见到呢间靓靓地既小餐馆，即刻入去凉住冷气食个lunch先。因为未到午饭时间，所以都好多位，店主仲比左个卡位我坐。店内好阔落，装修都几有格调，令人心旷神怡。午市餐牌好简单，但食物都算多元化。我叫左一客怀旧什扒，好期待到底会有咩野扒类。上枱时系猪扒、鸡扒同火腿。份量好足，大大块，好有睇头。扒类都系预先煎香过的，有诚意，肉类新鲜，调味都几好。作为一个猪鸡腿饭黎讲，确系唔错。但有一件事错了，怀旧什扒饭点能够无煎蛋呢？当我一心谂住回味童年常食既味道时，见唔到半熟既荷包蛋实在令我失落。至于配饭既豉油，竟然系生抽！怀旧什扒饭配甜豉油是常识吧？另一个令我感到失望既地方。呢间餐厅环境算唔错，服务都几好，食物其实都几好食架！但错在改错饭名，带比人不合理期望啦！希望能改善餐牌或菜式。