Reserva Ibérica • The Ham Shop • Signature Kitchen (已結業)

之前约咗个朋友食饭，朋友钟意食西班牙菜，之前去开湾仔见到间餐厅食西班牙菜，所以决定去试下。餐厅位于湾仔船街，地点旺中带静。一入到去见到厨师用纯熟嘅刀法，喺度切紧西班牙火腿。餐厅装修好有特色，经过楼梯上到二楼，环境清静，而且带一种浪漫嘅感觉。餐厅结合了零售、轻食及休闲高级餐厅三个概念。Tasting Menu 每个月会转换一次，极具心思，仲啱晒啲唔想谂食乜嘅人。Berdie Amor 口感柔顺，清新优雅，带果香。青瓜杏仁青苹果冻汤，味道清新，而且好健康。香脆嘅多士放满配菜，加上鳀鱼味道相当丰富。手切西班牙火腿 ，油份丰富入口带咸香，具咬劲，与蕃茄香草多士十分配合。藜麦烟韧有咬口，加上八爪鱼，再配合红菜头独特嘅味道，整个菜式口感丰富。饭粒干身，加上大量海鲜，蚬大只，虾鲜甜弹牙，再配合西班牙酱汁，十分美味。蛋糕朱古力味香浓，雪糕混合曲奇碎，并以焦糖增加风味，甜度恰到好处。餐厅食物具特色，店员细心介绍每一个菜式，而且价格合理。