天空虎嘯

营业中

休息中

我同老公都系钟意食海鲜嘅人，𠮶日就同佢一齐嚟到天空虎啸呢度食$888嘅海鲜蒸汽刺身套餐，食得不亦乐乎，老公仲话下次仲要再嚟食一次。餐厅位于天后电气道68号树林银座26楼，仲有提供露台畀客人欣赏美景同打卡。餐厅入面装潢精致，环境非常舒适，服务员嘅态度亦都好亲切，系食海鲜嘅最佳选择。阿拉斯加长脚蟹煮熟之后颜色十分鲜艳，仲散发住香气，食落去更加鲜味十足，蟹肉满满肉质好有嚼劲，真系顶级口感。芝士樱花虾鲍鱼芝士铺满咗樱花虾同鲍鱼，食落去有好香浓嘅芝士味，樱花虾同鲍鱼仲保留住新鲜嘅口感同味道，十分享受。苏格兰刺身带子刺身口感顺滑，海草同西京面豉搭配食起嚟非常鲜香，再配上特制酱料，味道更加丰富，系我哋都好钟意嘅其中一道菜式。法国野生深海白鳕鱼口感好嫩滑，可以话系入口即化，喺口里仲保留住咸香味同隐约回甘，真系令人食指大动。