五十嵐日本料理 (已結業)

第一次叫外卖要等成４５分钟话说今日落楼谂住去试下未食过既五十岚叫个外卖晚餐返屋企食。一开头出面个接待既落左我既order, 叫我系出面等等左１５分钟, 问佢得未, 佢叫我入去俾钱, 我心谂终于有得拎啦, 点知佢收完钱叫我出面等, 我心谂: 算等多你一阵, 过多５分钟, 我再问个接待生通常等几耐先有外卖? 佢话１５分钟, 我就同佢讲我等左超过１５分钟啦, 点解仲未有?个阵咁岩有Ｄ人去到门口拎位，佢竟然唔应我，直接问个Ｄ人几多位，我就同佢讲：叫入面Ｄ人快Ｄ呀唔该。佢无应我，我心谂：乜野服务态度呀！咁都算啦，我忍多你一阵。过多１０分钟，我等左成半个钟啦，容忍都有限度呀，我问佢：都成半个钟啦，仲要等几耐？佢问完入面Ｄ人后答我话：包紧。好，俾几少少时间你包啰。等多５分钟，我真系忍唔住，当住面问佢：５分钟前你话包紧，５分钟后仲包紧？我等左半个钟以上，真系食都食完啦。结果佢去左问入面Ｄ人，但由始至终系无俾到个合理解释我，跟住我要再等多１０分钟先有得拎返屋企食。咁令人失望既服务态度，我以后都唔会去五十岚食野。