喜喜燒臘茶餐廳

营业中

休息中

都成年无去过探外公外婆，难得星期日有空，就和爸爸妈妈一齐去探佢地老人家。本想陪佢地去饮茶，但老人家又唔钟意出去，只吩咐我买d烧吁上去做午饭。既然老人家喜欢吃烧味，咁就烧味啦！一心走去再兴买正叉烧俾佢地试，谁知星期日再兴是没有开门做生意的。咁唯有过钭对面的喜喜买。乳猪饭、叉烧饭、油鸡饭各一，买完之后的士往外公家去也。由于路程不远，到埗时饭盒仍时热的。乳猪饭，我恨食好耐，就算做得一般我都会俾笑面佢。可是，实在太差，肉太干太瘦，毫无肥肉在内，皮也是硬而不松化，庆幸温度仍可。叉烧饭，话明要半肥瘦，结果来个全瘦。硬柴柴，又劲咸，我都几乎咬唔到，叫老人家点食呀?!眼见外公死咬烂咬都切唔开，真有点心酸。油鸡叫做好些少，虽然久鸡味，总算叫做吞得落肚；姜茸送饭也可以。咁既质素，仲要开在再兴附近，恐怕都难以突围。