影片
更多
2018-10-04
718 浏览
谷咗成晚气，忍唔住要写评语。个个都话性价比高，所以决定同女朋友3年纪念日黎庆祝下。无奈返工关系，要8点半先到餐厅。地方偏僻，shuttle bus半个钟一班。去到餐厅，冇人招呼，所以直入餐厅揾人帮手。系电话book位时，已经问咗可唔可以比个甜品，写句Happy 3-years anniversary，得到答复可以，但系一整晚都系度期待佢几时送上黎，到咗埋单依然冇！食物质素一般，当然我地比较迟去，但系自助餐时间系去到十点，冇理由唔fill野食啊？！见我地迟入座，刺身档姐姐已经叫定我地9点半好拎定晒野食，生蚝档就问需唔需要拎多几只，比我感觉系我会阻住佢地收工！食完既碟好耐先有人收，完全进入咗收工既状态。10点收完野食，随即有吸尘机入餐厅吸尘做清洁，当时还有2-3台客人未走，呢d系咩逻辑，有冇人话我知系咪我问题？！心念中晒伏，求其食完就走，见到餐厅出面有露天海景位，埋完单出去行下，出面似系公众地方，但有餐桌比客人饮酒，见到冇特别就返入餐厅准备走，咁岩有个staff同我地差不多时间入去餐厅，唔帮我地拉门我冇乜所谓，但系至少要让我地行先？呢个系一个客人至上既基本吧？！完全唔知呢间野系咩野构造，求
个个都话性价比高，所以决定同女朋友3年纪念日黎庆祝下。无奈返工关系，要8点半先到餐厅。地方偏僻，shuttle bus半个钟一班。
去到餐厅，冇人招呼，所以直入餐厅揾人帮手。系电话book位时，已经问咗可唔可以比个甜品，写句Happy 3-years anniversary，得到答复可以，但系一整晚都系度期待佢几时送上黎，到咗埋单依然冇！
食物质素一般，当然我地比较迟去，但系自助餐时间系去到十点，冇理由唔fill野食啊？！见我地迟入座，刺身档姐姐已经叫定我地9点半好拎定晒野食，生蚝档就问需唔需要拎多几只，比我感觉系我会阻住佢地收工！食完既碟好耐先有人收，完全进入咗收工既状态。10点收完野食，随即有吸尘机入餐厅吸尘做清洁，当时还有2-3台客人未走，呢d系咩逻辑，有冇人话我知系咪我问题？！
心念中晒伏，求其食完就走，见到餐厅出面有露天海景位，埋完单出去行下，出面似系公众地方，但有餐桌比客人饮酒，见到冇特别就返入餐厅准备走，咁岩有个staff同我地差不多时间入去餐厅，唔帮我地拉门我冇乜所谓，但系至少要让我地行先？呢个系一个客人至上既基本吧？！完全唔知呢间野系咩野构造，求其食一间快餐店，性价比都高佢地十倍。埋单8旧水，已经75折了既价钱，完全系没有最差，只有更差。
庆祝三周年就冇啦，结果因为呢间餐厅吵咗，其实我都系比d评语同照骗呃咗！！！
题外话/补充资料：
openrice有7折优惠，用餐前告知餐厅，而餐厅话唔需要，因为佢地一直做紧7折既优惠，姐系openrice个优惠根本用唔著。
(以上食记乃用户个人意见 , 并不代表OpenRice之观点。)
张贴