漢堡B (已結業)

第二次去呢间舖头食， 同第一次嘅感觉完全唔同。 第一次食嘅时候系中学， 𠮶阵得宝商场人气鼎沸， 呢间铺头嘅水准非常好。 冇乜零用钱嘅我都会去为咗食汉堡包而储钱， 可想而知水准系有几咁好。 第二次去食嘅系今日白色情人节， 食到一半已经唔想再食。 我叫嘅 经典牛肉汉堡， 入面嘅菜完全覆盖咗牛肉嘅味道， 菜嘅生味浓郁， 而且个汉堡包皮完全唔得掂。 汉堡包系几硬下， 个种硬系好似摆咗喺雪柜好多日， 我谂除咗嚿肉之外其他系食唔到落肚。 如果你系追求饱嘅话完全推介， 但如果系追求味道嘅话， 我建议去观塘广场嘅某汉堡包店。