The Joomak (已結業)

韩国出名炸鸡、韩烧、部队锅等等，全部都离唔开肉，不过听到个fd话2间餐厅出韩式素食，原来系我曾经去过，觉得质素唔错既The Joomak！6点几入座餐厅空空如也，不过过左7点之后就愈来愈多人，我地拣左个靠海景既地方坐，不过果边既灯光偏暗。除左新出既素食外，仲有多款韩国菜式，大部份都有图有真相～价钱方面算中上偏高，但难得出左粮就当庆祝xd翡翠韭菜煎饼 ，食开海鲜煎饼今次黎个素食韭菜煎饼，一整个绿色煎饼睇落去好健康，菜清味清新，韭菜亦都配搭得宜，煎饼偏软身，令到成个口感有啲油腻。韩式素肉卷，本身都好中意韩式饭卷，依个素肉卷都好岩大家口味，饭卷有青瓜丝、萝卜丝、素鸡肉同杏仁片，卷物本身带有好轻微既辣做调味，萝卜丝既清甜岩岩好中和番，令味道层次升华，成个素饭卷一啲都唔单调！值得推荐。韩式烤辣猪肉木板，上菜后已经系烤好左并配上蔬菜，仲可以自由用韩式辣酱调味。不过佢依个烤辣猪肉本身已经辣辣地，唔太食到辣就可以唔洗加，烤猪肉烤得非常香口惹味，肉汁同酱汁混合后，加上生菜配搭，感觉不错～同平时烧肉食法差唔多，生菜包猪肉再加上酱料，口感爽脆惹味，唯一唔好处就系每次食完都会成手酱汁肉汁。麻药炸鸡，个名听落去