影片
更多
2019-07-15
1676 浏览
平时食中餐多数都会去酒楼，最近发掘间新派粤菜喺尖沙咀H8。食嘅嘢当然唔系普通粤菜咁简单，睇见啲相，每个小菜同点心都非常特别，显出厨师好有心机去整每一道菜。店舖都用上白色云石台同埋蓝色椅为主，清新简单之余，亦有别于传统粤菜餐厅。呢度一样都有得开茶，不过呢度嘅茶都比较特色，普洱系陈皮普洱，陈皮皮好香好浓，另外店员仲介绍佢哋有法国玫瑰花茶，真系无谂过粤式餐厅都有花茶饮，我哋叫咗一壶，玫瑰花味好清新好香。🌷见到墙上电子menu介绍好多个菜都好吸引，好多都想试，最后店员介绍咗好几款招牌菜式。第一道先嚟个手工菊花羹🌼🌼🌼：有啖啖蟹肉、汤底充满金华火腿香，味道超鲜甜，师傅将一件豆腐切成一条条幼豆腐丝，犹如一朵白菊花🌼🌼🌼在水中绽放，除咗满足口腹之欲，亦能够满足视觉嘅艺术，望见都觉得开心。个汤羹非常好饮，饮完一碗都唔多够喉。星洲酱龙虾加伊面：龙虾新鲜爽口，份量充足，加上师傅由新加坡空运秘制酱料星洲酱，捞埋伊面一齐食，十分美味！海鲜芋头烙：好特别嘅一个菜式，喺出面从未食过。一个薄薄嘅脆饼盛载住炸脆嘅芋头粒，有啲虾仁，面头有大量芫茜，钟意食芫茜嘅我啱晒，成个饼香口之余又唔会太油腻。柚子豚肉粒：豚肉嫩滑，带
平时食中餐多数都会去酒楼，最近发掘间新派粤菜喺尖沙咀H8。食嘅嘢当然唔系普通粤菜咁简单，睇见啲相，每个小菜同点心都非常特别，显出厨师好有心机去整每一道菜。
店舖都用上白色云石台同埋蓝色椅为主，清新简单之余，亦有别于传统粤菜餐厅。
呢度一样都有得开茶，不过呢度嘅茶都比较特色，普洱系陈皮普洱，陈皮皮好香好浓，另外店员仲介绍佢哋有法国玫瑰花茶，真系无谂过粤式餐厅都有花茶饮，我哋叫咗一壶，玫瑰花味好清新好香。🌷
见到墙上电子menu介绍好多个菜都好吸引，好多都想试，最后店员介绍咗好几款招牌菜式。
手工菊花羹
$52
17 浏览
0 赞好
0 留言
手工菊花羹
$52
20 浏览
1 赞好
0 留言
第一道先嚟个手工菊花羹🌼🌼🌼：有啖啖蟹肉、汤底充满金华火腿香，味道超鲜甜，师傅将一件豆腐切成一条条幼豆腐丝，犹如一朵白菊花🌼🌼🌼在水中绽放，除咗满足口腹之欲，亦能够满足视觉嘅艺术，望见都觉得开心。个汤羹非常好饮，饮完一碗都唔多够喉。
星洲酱龙虾加伊面
$198
19 浏览
0 赞好
0 留言
星洲酱龙虾加伊面：龙虾新鲜爽口，份量充足，加上师傅由新加坡空运秘制酱料星洲酱，捞埋伊面一齐食，十分美味！
海鲜芋头烙
$108
12 浏览
0 赞好
0 留言
海鲜芋头烙：好特别嘅一个菜式，喺出面从未食过。一个薄薄嘅脆饼盛载住炸脆嘅芋头粒，有啲虾仁，面头有大量芫茜，钟意食芫茜嘅我啱晒，成个饼香口之余又唔会太油腻。
柚子豚肉粒
$118
10 浏览
0 赞好
0 留言
柚子豚肉粒：豚肉嫩滑，带有淡淡柚子香味，甜而不腻，伴碟有少许爆谷，点少少柚子酱汁，味道非常配合。
晚饭之后仲有甜品送，有咖啡糕同埋椰汁糕，椰汁糕用上消化饼饼底，好少有咁嘅配搭，味道不错！
埋单时，仲发现店舖新开张期间有9折优惠，好抵食呀！
下次有机会要试埋佢嘅点心，见到好多都好特别，例如：紫薯天鹅酥、野菌金鱼饺、太极马拉糕。
张贴
