影片
更多
2019-01-12
290 浏览
时间正值星期六嘅中午，除咗区内嘅长辈之外，亦有唔少因为新舖而慕名而来嘅上班族同小朋友。多人就预咗架喇，不过因为呢间喺蓝田算系新舖，所以都黎试一试。门面望落四四正正，都有清楚写明面，𩠌同汤底嘅价钱。只可惜因为太多人黎食，令到收银位排咗条队，但店家并未有好好咁安排条队嘅方向，会挡到其他行人。而点餐前就听到最匪而所思嘅一句话: 要等半个钟架！呢下真系食车仔面以黎听到最觉得奇怪嘅说话。当下嗌咗个车仔面，仲有碟孜然鸡翼，之后就系揾位同长久嘅等待......到嗌冧把喇，谂住出去拎啦，但一眼见到兜面就觉得好怪:点会用面冚住啲碗里面嘅𩠌？仲要厨房嘅人对我讲: 你见到啱嘅就拎啦。废事揾筷子当场撩之下唯有就咁拎去食啦。碗面整体上好重味，明显唔太适合区内长者。午筋同片头质素算ok，系量方面太少，始终系按𩠌收费，理应份量要更充足先啱，而唔系行双拼三拼嘅制度。油面就令人有啲失望，夹起一两下就发现碗内有几嚿痴埋一嚿完全散唔开嘅面团，好明显厨房为咗快，并未好好咁处理好个面。而孜然鸡翼，讲真，无乜孜然味，仲要到手时并唔够热，实在令人失望。希望见到呢篇文嘅大家，一系等多两三个月，到质素稳定啲先黎帮衬，又或者你有觉悟黎亲
多人就预咗架喇，不过因为呢间喺蓝田算系新舖，所以都黎试一试。
门面望落四四正正，都有清楚写明面，𩠌同汤底嘅价钱。只可惜因为太多人黎食，令到收银位排咗条队，但店家并未有好好咁安排条队嘅方向，会挡到其他行人。
而点餐前就听到最匪而所思嘅一句话: 要等半个钟架！呢下真系食车仔面以黎听到最觉得奇怪嘅说话。
当下嗌咗个车仔面，仲有碟孜然鸡翼，之后就系揾位同长久嘅等待......
到嗌冧把喇，谂住出去拎啦，但一眼见到兜面就觉得好怪:点会用面冚住啲碗里面嘅𩠌？仲要厨房嘅人对我讲: 你见到啱嘅就拎啦。废事揾筷子当场撩之下唯有就咁拎去食啦。
碗面整体上好重味，明显唔太适合区内长者。
午筋同片头质素算ok，系量方面太少，始终系按𩠌收费，理应份量要更充足先啱，而唔系行双拼三拼嘅制度。
油面就令人有啲失望，夹起一两下就发现碗内有几嚿痴埋一嚿完全散唔开嘅面团，好明显厨房为咗快，并未好好咁处理好个面。
而孜然鸡翼，讲真，无乜孜然味，仲要到手时并唔够热，实在令人失望。
希望见到呢篇文嘅大家，一系等多两三个月，到质素稳定啲先黎帮衬，又或者你有觉悟黎亲身试伏嘅先好黎试。
张贴