李好醒 (已結業)

中环唔同油尖旺铜锣湾，口痕想食下小食都唔系咁易揾到。有日见摆花街有间小店「李好醒」，装修几得意，有醒狮头、趣致壁画，仲用鼓做椅，原来系卖港式小食，有炸髀、煎酿三宝、臭豆腐、椒盐烧卖、碗仔翅、XO酱炒萝卜糕等等，好有扫街feel。慢煮蛋XO捞面（$33）好似系招牌小食，可以选粗或幼面，我选幼面，面条捞左豉油，有香味但唔咸，加埋XO酱少少辣几惹味，笃穿蛋黄捞埋面食，更增加滑溜口感，几好食。呢个面的分量大约系便利店捞面咁上下啦，纯粹顶一阵肚系ok嘅。佢有臭豆腐（$28）当然要点啦。一口size的臭豆腐新鲜热辣炸起，外面脆，里面未至于滑同juicy，但起码唔干，闻落少少臭，食落反而味道更浓，甜酱、辣酱落得足，每一旧都沾到，美味，完全满足左食臭豆腐（越来越难食到）的欲望。虽然唔算平，但人在中环突然口痕，解下馋都唔错。