What The Food Cafe (已結業)

星期日瞓到晏一晏先起身，第一件事当然系揾食喇！呢间喺工厦既食店已经帮衬过几次，次次喺饭市都要等位，见4-5点呢个时间应该唔洗等喇啩！其实佢做到喺工厦都咁多客人慕名而来，都知道佢有一定既实力！好！先嚟个汤同包先，个汤无咩特别就唔多讲，但个黑糖包一食入口就知道同 OUX BLXXK 个包系兄弟包，因为OUX BLXXK 个包系软，而呢个系硬嘅~不过甜度嚟讲，呢个较甜，不过都好出色！再嚟当然会介绍返佢既hero product鳗鱼蛋包饭喇！大家见到佢既蛋汁吗？用嚟捞埋个饭系一流架！我有喺其他地方食过鳗鱼蛋包饭，多数鳗鱼汁炒饭/蛋汁都会汁量过多，导致佢一pat pat咁，而What The Food Cafe 既鳗鱼蛋包饭绝对唔会发生呢个问题，我有独立试过佢既鳗鱼汁炒饭，绝‧对‧干‧身！夹埋个蛋汁同鳗鱼，简直系『完美』。非常推荐嘅一个item！我点呢个沙律，见佢用料系青苹果，自然联想到系酸嘅，但原来佢系咸架估计系腌渍过吧？！真系比到惊喜我！一杯平平无奇既冻柠檬梳打，比一个有灯既杯衬托得几靓，呢d咪叫有heart啰！冻咖啡系老公既提神之选，奶既比例刚刚好，喺一间cafe，对饮品都要有一定要求吧！