影片
更多
2021-02-17
1440 浏览
之前周末去亲油麻地，都会想试下「不籽是咖啡」，不过前前后后行过五次，每次都系咁多人。等位嘅人多，影相嘅人仲多🙈。临近岁晚收炉，又或者啲人惊会无啦啦封区，所以呢日午餐时段竟然有位，可以直入！我一直以为餐厅系有两层，但原来只系楼底高，座位数量唔算多。室内环境行简约无印风🌿，其中有一排面向街景嘅吧枱窗口位，打卡就最适合不过。文青Cafe唔代表只系得轻食，呢度仲有提供多款主食，例如荞麦面、意粉同汉堡包等！食物份量仲要唔算细，比咗钱最紧要食得饱嘛😛。龙虾汤配牛油果大虾稻庭乌冬($128)，佢系呢度最受欢迎嘅菜式，近乎枱枱都有嗌。🦞龙虾汤系同乌冬分开上的，咁就唔会浸淋啲面。热汤装喺一个铁壶入面，所以能够保温。龙虾汤味道几浓郁，而且更估唔到入面加咗蟹肉/虾肉碎。稻庭乌冬份量约等如一个面饼🍜，乌冬较扁身，挂汤效果唔错。乌冬外有唔少𩠌料，包括四只巨虾、牛油果片、昆布同沙律菜等，算几丰富。🦐虾肉好巨型，爽口弹牙，食得出鲜味。🥑牛油果放汤食真系第一次，但感觉麻麻，好似唔太夹咁。另一边厢，我唔知乌冬本身系冻定热，虽然龙虾汤热辣辣，但倒咗落乌冬后就冻得好快，所以建议影完相后尽快食。味增蟹酱蟹籽蟹肉扁意粉($12
之前周末去亲油麻地，都会想试下「不籽是咖啡」，不过前前后后行过五次，每次都系咁多人。等位嘅人多，影相嘅人仲多🙈。临近岁晚收炉，又或者啲人惊会无啦啦封区，所以呢日午餐时段竟然有位，可以直入！
我一直以为餐厅系有两层，但原来只系楼底高，座位数量唔算多。室内环境行简约无印风🌿，其中有一排面向街景嘅吧枱窗口位，打卡就最适合不过。
文青Cafe唔代表只系得轻食，呢度仲有提供多款主食，例如荞麦面、意粉同汉堡包等！食物份量仲要唔算细，比咗钱最紧要食得饱嘛😛。
龙虾汤配牛油果大虾稻庭乌冬($128)，佢系呢度最受欢迎嘅菜式，近乎枱枱都有嗌。🦞龙虾汤系同乌冬分开上的，咁就唔会浸淋啲面。热汤装喺一个铁壶入面，所以能够保温。龙虾汤味道几浓郁，而且更估唔到入面加咗蟹肉/虾肉碎。
稻庭乌冬份量约等如一个面饼🍜，乌冬较扁身，挂汤效果唔错。乌冬外有唔少𩠌料，包括四只巨虾、牛油果片、昆布同沙律菜等，算几丰富。🦐虾肉好巨型，爽口弹牙，食得出鲜味。🥑牛油果放汤食真系第一次，但感觉麻麻，好似唔太夹咁。另一边厢，我唔知乌冬本身系冻定热，虽然龙虾汤热辣辣，但倒咗落乌冬后就冻得好快，所以建议影完相后尽快食。
味增蟹酱蟹籽蟹肉扁意粉($128)，🍝呢碟Pasta称得上系巨无霸，简直有成座山咁高，一个人难啲食得哂。扁意粉垫底，上面就放满海量蟹籽、手拆蟹肉🦀、紫菜同木鱼碎等，基本上佢系多到你每啖都食到。酱汁方面，味道偏淡，无西式忌廉𠮶种咁漏。我唯一略嫌扁意粉煮得淋身咗少少，但整体问题不大。
海盐焦糖鸡翼
$68
37 浏览
2 赞好
0 留言
Matcha Latte
$42
24 浏览
0 赞好
0 留言
Mocha($42)，呢杯系朋友点的☕️，同样有朵细拉花，佢赞啲奶泡打得好幼滑。
总括嚟讲，呢餐系愉快嘅午餐🍽，因为唔使等，环境又够舒服。即使再好食，但如果要等好耐都会搞到无乜心机嘛。另外，餐厅嘅上餐速度亦好有效率，咁先可以做多几枱客嘛。服务方面，店员几好礼貌，愿意主动协助👍。
张贴
