616牛肉火鍋專門店 (新時代中心)

营业中

休息中

呢间做几年开已经好出名，主打食牛唔同嘅部位，所以今日嚟都系主力想试唔同款嘅牛。嗌咗个理想点’鲜‘汤底，因为想主力食牛，所以拣个清啲嘅汤底。店员话呢个汤都可以饮，所以一上枱我哋就饮一碗试一试先，果然个汤底超鲜甜，完全冇味精味，去到我哋食完嘢之后再饮个汤底，因为我𠮶啲牛同蔬菜，个汤底更加甜，几个人差啲想饮晒个汤底。🤣牛就叫咗几个部位试，有滑尾龙、匙柄、五花趾、横隔肌等等，最钟意横隔肌，够晒爽口，滑尾龙加咗蛋黄够晒滑。整体嚟讲呢度啲牛好有质素，虽然你食紧嘅时候都唔系好记得系边个部位，但系基本上都系好食。