江南瀨粉 (福榮街) (已結業)

同朋友去完黄金商场买野后就去附近餐厅食下午茶。好少见到有铺头自家手工制嘅濑粉，所以决定去试下，支持下呢啲心机作！可以以车仔面或者套餐嘅形式选择。前者有得自由拣面底，汤底同配菜。我拣左片头鱼蛋酸辣濑粉。配料除左有韮菜，芽菜，葱花之外，仲有少见嘅花生同芝麻，增添一层香味！酸辣汤底醒胃，鱼蛋片头弹牙，有鲜甜嘅鱼味。濑粉每条都粗幼不一，有口感，糯软兼并，有淡淡米香🤤🤤牛腩牛肚牛筋濑粉餐，分量十足！牛肚弹牙，牛筋够淋，牛腩肥瘦适中，一碗满足牛魔王嘅三个愿望😏下午茶时间仲有豆浆送添！