到此一遊

营业中

休息中

.应该系依期最后一间介绍嘅长洲黄店啦。长洲有早餐提供而又系黄店嘅其实唔多。今日就要介绍依间到此一游。餐厅有户外位，带狗黎绝对无问题。坐户外位都唔会晒住，都唔算太热，我地叫咗鸡扒煎蛋火腿，餐包拣咗牛角包，唔钟意嘅话拣菠萝包都得。另一个餐叫咗吉列猪扒煎蛋火腿。首先讲下鸡扒，鸡扒水准一般，鸡肉有少少干身，就算点住鸡扒汁黎食都食得出佢好干。煎蛋火腿就无咩值得讲。吉列猪扒份量都有返咁上下，味道正常，都食得出外脆内juicy。虽然猪扒唔系厚切，不过呢个价钱算系咁啦。反而两款包好值得介绍，菠萝包皮好脆，包身好软熟，份量好大。牛角包外皮好脆，咬落好松软，食到一层层嘅口感，相当高水准。跟餐要咗个迷你番茄肉碎通粉，话就话迷你，份量好大碗，通粉份量好多，虽然唔好多肉碎，不过个蕃茄汤底好浓，够足料。