影片
更多
2013-05-20
3082 浏览
今晚去同事结婚摆酒，讲真，对婚宴嘅食物无乜祈望，菜式亦唔会有惊喜，来来去去都系𠮶啲意头菜式，少有好味但又好少做得难食！个场几靓，装修亦新潮，晚上八时半开席！鸿运金猪全体---乳猪皮香脆，亦唔肥，难得系仲热！油泡虾球玉带---带子好大粒，好厚肉，虾大只爽口，西兰花爽口！百花炸酿蟹拑---大大只蟹拑，虾胶弹牙，炸得香脆，热到辣咀，啲酸甜酱好味！同蟹拑好衬！多子玉环瑶柱脯---分咗两件比我，一件瓜脯淋身，一件爽口，瑶柱入味！炸蒜子无蒜头臭味！红烧鸡丝大生趐---一向对鱼翅无乜好感，食个献汁，鱼翅又无味道，今晚个翅都几好，我𠮶碗分到个鱼翅头，好爽口！蚝皇花胶鲜鲍片---鲍片炆得入味，花胶都几厚，但软滑，生菜爽口！清蒸大海斑---我分配到碗鱼肉，蒸得正常，配葱食一流！当红脆皮鸡---鸡皮香脆，鸡肉软滑！龙凤鸳鸯炒饭---无食！虾籽野菌炆伊面---见唔到虾籽，伊面炆得入味！虽然味道浓，但好味！甜蜜庆团圆---红豆沙汤圆，汤圆烟韧，芝麻饀好香，红豆沙大粒，不会过甜！幸福双美点---芝麻蛋糕同牛油曲奇，前者松软蛋香浓，后者香脆！食物全部够热！已经加唔少分！证明厨房同楼面沟通良好！侍应姐姐勤快，亦几有礼
个场几靓，装修亦新潮，晚上八时半开席！
鸿运金猪全体---乳猪皮香脆，亦唔肥，难得系仲热！
油泡虾球玉带---带子好大粒，好厚肉，虾大只爽口，西兰花爽口！
百花炸酿蟹拑---大大只蟹拑，虾胶弹牙，炸得香脆，热到辣咀，啲酸甜酱好味！同蟹拑好衬！
多子玉环瑶柱脯---分咗两件比我，一件瓜脯淋身，一件爽口，瑶柱入味！炸蒜子无蒜头臭味！
红烧鸡丝大生趐---一向对鱼翅无乜好感，食个献汁，鱼翅又无味道，今晚个翅都几好，我𠮶碗分到个鱼翅头，好爽口！
蚝皇花胶鲜鲍片---鲍片炆得入味，花胶都几厚，但软滑，生菜爽口！
清蒸大海斑---我分配到碗鱼肉，蒸得正常，配葱食一流！
当红脆皮鸡---鸡皮香脆，鸡肉软滑！
龙凤鸳鸯炒饭---无食！
虾籽野菌炆伊面---见唔到虾籽，伊面炆得入味！虽然味道浓，但好味！
甜蜜庆团圆---红豆沙汤圆，汤圆烟韧，芝麻饀好香，红豆沙大粒，不会过甜！
幸福双美点---芝麻蛋糕同牛油曲奇，前者松软蛋香浓，后者香脆！
食物全部够热！已经加唔少分！证明厨房同楼面沟通良好！
侍应姐姐勤快，亦几有礼貌，加茶加饮品都爽手，以酒店形式硬性分菜，我自己唔钟意由侍应分菜，尤其系鱼同鸡呢两种食材，每个人喜欢嘅部位都不同，分到自己唔钟意嘅部位，勉强食又辛苦，好无瘾！
平时我好怕冻，撘车食饭都会带定件外套，但今晚我全程唔使加衫，仲觉得少少焗，坐我旁边嘅女同事叫侍应姐姐，可唔可以开大啲冷气（即系唔只我觉得热），侍应答商场中央控制，无得调较
张贴
