思想共鳴 (已搬遷) 新店位置

睇柠檬地图揾到佢，真惭愧住喺附近都唔知，一个人走来试吓，一踏入门口就好有亲切感...海报，摆设，音乐都啱哂feel. 点左个龙虾汁海鲜意粉同一杯Long Black。个汁够味唔太稠，海鲜唔系乜珍贵靓嘢但唔驶80一个餐我完全收货，正所谓有虾有蚬你仲想点！意粉质地啱啱好，上面沈执温室豆苗喺面靓靓仔仔。杯Long Black 仲有惊喜，轻焙咖啡有果味花香，带微酸但唔系涩，成件事一个＂和＂字。一边品尝一个简单而美味嘅午餐，一边欣赏周围嘅摆设同海报…信念，坚持，愤怒，失望，加油，乜鬼感觉都涌晒埋嚟！ 好想坐耐啲可惜有下场。下次必会再嚟，写写而家已经想再去。