彤粵菜小館 (已結業)

约左朋友食饭唔知食乜，去到尖咀发现一间有得饮夜茶的菜馆，好奇入去试，有惊喜！店内以中式装修，都几规，有大窗边位，独立一枱，几舒服！订餐是以扫code之后自己叫，见到啲名好多都好新奇，出面酒楼冇嘅，所以即刻点左几个来睇下系乜先！首先见到彩虹虾饺，真系有几个颜色，几特别几靓，size唔大啱啱好一啖，味道唔错！再来另一个青芥末咸水角，外形同普通咸水角一样，只系变左青色，哈哈急不及待咬左一口，个皮好松脆，仲有隐隐约约wasabi 味，几得意！之后系芝士龙须三文鱼卷，外皮炸得好松脆，入口真系有唦唦声，都几好味，但个人觉得有少少油，但朋友话ok好好味！另一个真心未食过就系炸粉棵，上枱时系连一碗上汤，据经理讲传统食法系浸上汤一齐食，试左一啖，真系几好味，浸完上汤外皮都仲脆，咬入口唔会腻，好特别，值得推介！最后仲有一样心机之作，见到个名唔知系乜，所以点来试，只见上枱时系一件好靓有花花装饰嘅甜品“水晶花冻”,呢个唔使多讲，睇相就够！几好，可以再去试其他嘢！