麵屋武蔵 武骨相傳 (朗豪坊)

营业中

休息中

老实讲，我唔系一个钟意食拉面嘅人😅就算去到日本都唔会去食拉面！今次因为唔好意思推却朋友，所以硬着头皮食一次！平日下午去到人比较少，地方都好阔落坐得好舒服！攞住本Menu，本来仲谂住睇吓有冇饭或者乌冬，点知真系剩系得拉面😅今次唯有焗食！我点咗一个”二刀流拉面” 拣选了黑蒜猪骨汤底！除咗有叉烧之外仲有一旧五花腩肉，出奇地非常非常非常之好味😱尤其呢旧五花腩又淋又入味，未试过既一定要试吓👍🏻完全唔觉得肥腻！汤底亦非常适合香港人口味，味道浓郁！拉面亦好有口感非常弹牙！可能我从此就会喜欢食拉面😂另外仲见到Menu有牛肝菌鸡白汤泡饭，因为职员话份量非常之细碗所以我都叫咗一碗试吓😋不过可能之前食完个拉面汤底非常浓味，变相泡饭味道淡咗少少！不过味道亦都唔错👌🏻