勝面 (已結業)

男友话想食手抓饼，呢间［胜面］台湾菜，有埋手抓饼，环境干净同座位寛阔，坐得都舒服，价钱合理，只系份量会细份少少。招牌牛三宝 $88牛腩最正，口感好，牛𦟌嫩腍，肥牛唔算好肥。个清汤浓而不腻，有牛骨汤香味，刀削面烟韧有筋度。不过面嘅份量偏少。凉拌手撕盐水鸡 卤肉饭 $78混合鸡脾肉及鸡胸肉，撕成细块吸哂凉拌汁味，带麻油香，好味。卤肉唔太肥，但较多汁，浸住个饭，但食落都偏油腻。芝士肉松鸡蛋手抓饼 $45肉松咸香松化，加上拉丝芝士，好夹手抓饼嘅油酥香，而且整体唔会过咸。价钱偏贵。黑糖珍珠牛奶 $35好轻好柔和嘅黑糖味，唔太甜，反而奶味好浓重，珍珠Q弹好咬。果漾缤纷茶 $35清新爽口，强烈果香带清甜味道，酸酸甜甜水果茶。下载App 饮品有8折或送卤水鸡翼，好入味，但肉质腍烂，应该卤太耐煮太耐。