Mela Italian & Spanish Cuisine (已搬遷) 新店位置

中午放饭同事话提议去食西餐，我话西餐唔平㖞，同事话佢食过算做经济，咁我信佢啦。虽则系工厂区，但入到餐厅都够新净，环境都舒适。同事话要必食份沙律，因为好少地方有得食，原来系藜芴同红菜头沙律，红菜头切成粒粒，爽之外又多汁还带有甜味，仲有苹果粒作伴增加多样性，加埋好多细粒既藜芴，系好健康既配搭，口感方面藜芴既细细粒同松子仁既脆口形成对比，相信配搭上厨师的确花左唔少心机。意粉叫左蚬肉墨汁面，墨鱼汁面食得多，呢度系墨鱼汁阔条面之余，仲系手打既。口感系增加左之外，墨鱼汁味系更重，而且唔会过咸，因为配合返蚬肉本身有少量咸味。蚬肉虽然细只，但系就清甜，唔错唔错。主食方面就要左烧猪肋排，成份肋排大过我块面，有成10寸长，佢唔会烧得好干身，仲有肉汁与少量脂肪聚集，令成份猪肋排口感一流。最欣赏既地方系佢烧得比中式叉烧还好，因为猪肋排外皮烧得脆口，但内里仲有唔少肉汁，睇得出厨师既功夫所在。