麥奀雲吞麵世家 (山頂廣場)

营业中

休息中

入得去食就当然预咗唔系啲乜嘢五星级招呼同食物，但估唔到麦奀记入面啲伙计都解释得好详细餐牌每款食物嘅分别，用料，同点样配搭可以悭返啲钱。而且佢哋都尽量安排啲客人分开坐值得一赞。我嗌𠮶个净水饺啲虾尚算可以，分量几多，食落口唔会有霉同雪柜嘅感觉。𠮶个汤饮完之后都唔会口渴，即系唔会有太多味精。可惜啲茶杯有少少污糟，啲茶又系冻嘅，当然𠮶啲普洱茶系劣质货，饮水好过。老婆带𠮶碗云吞面啲面就比较差啲，碱水味太劲，依啲菜心都系比较冻，但收得咁平啲食物质素算系咁