河內大娘越南餐廳 (已結業)

尖沙咀餐厅何其多，各式各样应有尽有，谂食咩有时都几头痛出名既排队排到呕，唔等返一、两个钟唔驶指意食，所以有时行过啲餐厅啱心水就会入去食，咁啱经过间越南餐厅，朋友仔ok就入左去餐厅既装潢都几有越南风味我叫左杯菠萝冰，睇餐牌果时张图以为系菠萝沙冰，图片同现实有点偏差😅，同埋越南菠萝冰同平时饮既系唔同，可以见到菠萝肉好深色（似菠萝干味）仲有加左啲橙皮、梳打水，因梳打水本身无甜味，搅混后饮唔太甜叫左两个小食，顺化蔗虾 $68 同软壳蟹米纸卷 $78，虾胶包住蔗来炸，上枱仲热辣辣，嗅到微微竹蔗味，虾胶软熟弹牙，好好食，同食泰式虾饼质感完全唔同，米纸卷都唔错，软壳蟹仲系微暖，有芒果、生菜、萝白丝等等，师父包得好好实净，咬落唔会散修修呢个香茅猪扒汤河都唔错，猪扒松软，香茅味十足，河粉幼滑，牛骨汤底味浓感觉到每道菜厨师都用心制作，系香港确实卖少见少，希望餐厅可以keep 住落去