Italian Tomato Café (置富第一城)

营业中

休息中

呢间连锁餐厅以前我有帮衬过，知道佢质素唔差 ，而且都算抵食。早几日中午食晏时段去到客人唔多，可以慢慢跟朋友边倾计边食晏，系香港好耐已经无见过咁清静嘅餐厅环境了。店员服务好有礼貌，又俾我地随意拣位坐，又不停帮客人添暖水。蕃茄杂菜汤味道浓郁，汤底足料。烟三文鱼菠菜忌廉意粉，意粉煮得弹牙，酱汁又唔会太干或者太湿，十分好味。蒜香榄油意式风干火腿意粉，蒜香味浓配合咸香惹味嘅西班牙火腿，每条意粉都入晒味。唯独系杯咖啡真系麻麻地，无乜咖啡香味而且饮落苦得有啲涩口。