小王牛肉麵 (已結業)

话说今日同女朋友打算去九龙湾德福夹公仔，出门前未食野，见三点几钟，就打算去到德福先揾野食。我地去到德福都接近四点，周围望下呢头有咩食，见到呢间小王牛肉面，星期日都难得有下午茶，哗，下午茶㖞.. 讲真香港打工仔有几可有机会叹返个下午茶，难得有机会，就决定试一试佢。我同女朋友分别点左一个台式肉燥卤蛋饭同一个台式炸酱面，饮品就点左蜂蜜冰茶。先讲下我个台式肉燥卤蛋饭，卖相方面其实就系普通一碗肉燥卤蛋饭，无咩特别既点缀。肉燥既份量面算足，拌饭搅匀去岩岩去，味道方面5会太咸，闻落都几香。卤蛋5够入味，同食普通蛋差5多。至于女朋友个炸酱面，面条系粗面果种，食落既口感同759买既差5多，相较之下弹牙小小。佢既肉酱其实就系佢啲肉燥黎，上面有评过就5再多讲啦。捞埋之后食落去加埋青瓜既味，食落5会觉得太油腻，但味道就一般啦。最后都讲埋呢杯蜂蜜冰茶啦！呢杯蜂蜜冰茶系我最满意既，佢既茶味5会太淡，而且蜂蜜味几足，饮淡甜而不腻，可能自我感觉既关系，饮落都几润口添！价钱方面因为下午茶，埋单加埋都5洗一旧水！认真抵食呀！今次系甘多，下次食好野再分享！