影片
更多
2018-06-25
254 浏览
近日同友人迷上左食omakase，好享受唔洗用脑谂叫咩食嘅感觉，一坐低只系负责食最新鲜嘅野就可以了。今晚安排食物俾我哋嘅系谦师傅，佢唔系日本人，所以介绍食材嘅时候我哋可以听得更清楚。首先有一杯热茶，味道好香好特别。食omakase除左食野之外，我仲会留意下餐厅用嘅餐具，筷子质感唔错，筷子托好可爱。呢盘系前菜，侍应介绍要由左至右咁样食。无花果配上胡麻酱，有益健康。茄子就配上梅酱，酸酸地好开胃！最后食嘅系花生炸豆腐，好似炸玉子豆腐咁，超好味呀！厨师发办刺身菜式由生蚝开始。1.北海道生蚝内含紫菜，非常鲜味！2.石鲷鱼见到师傅好有心机摆碟，四片新鲜石鲷鱼放在碟子嘅一旁，然后放上伴好酸汁鱼皮丝，最后摆上几滴花瓣，未食已觉得好有意境。3. 象拔蚌闪闪嘅金泊放上用白松露调味过嘅象拔蚌，顿时觉得非常名贵，入口香气四溢。象拔蚌下面系爽脆嘅冰菜，叶上本身有盐分，非常有营养。 4. 蓝色渡蟹第一次是生蟹，原来都几好味，蟹肉本身已经处理干净，而且已经调好味，可以放心食用，蟹肉上嘅系蟹膏，好新鲜！食完蟹肉再食旁边洒上淡雪盐嘅蕃茄，淡淡的咸味同蕃茄嘅味道好匹配。5. 烟熏中拖罗打开盖有一股烟冒出，中拖罗有好香嘅烟
今晚安排食物俾我哋嘅系谦师傅，佢唔系日本人，所以介绍食材嘅时候我哋可以听得更清楚。
首先有一杯热茶，味道好香好特别。
食omakase除左食野之外，我仲会留意下餐厅用嘅餐具，筷子质感唔错，筷子托好可爱。
呢盘系前菜，侍应介绍要由左至右咁样食。无花果配上胡麻酱，有益健康。
茄子就配上梅酱，酸酸地好开胃！
最后食嘅系花生炸豆腐，好似炸玉子豆腐咁，超好味呀！
厨师发办刺身菜式由生蚝开始。
1.北海道生蚝
内含紫菜，非常鲜味！
2.石鲷鱼
见到师傅好有心机摆碟，四片新鲜石鲷鱼放在碟子嘅一旁，然后放上伴好酸汁鱼皮丝，最后摆上几滴花瓣，未食已觉得好有意境。
3. 象拔蚌
闪闪嘅金泊放上用白松露调味过嘅象拔蚌，顿时觉得非常名贵，入口香气四溢。象拔蚌下面系爽脆嘅冰菜，叶上本身有盐分，非常有营养。
4. 蓝色渡蟹
第一次是生蟹，原来都几好味，蟹肉本身已经处理干净，而且已经调好味，可以放心食用，蟹肉上嘅系蟹膏，好新鲜！
食完蟹肉再食旁边洒上淡雪盐嘅蕃茄，淡淡的咸味同蕃茄嘅味道好匹配。
5. 烟熏中拖罗
打开盖有一股烟冒出，中拖罗有好香嘅烟熏味，点上少少竹盐，能带出刺身嘅鲜味。
刺身部份已经完结，然后就到寿司嘅部份啦。
1. 鲍鱼寿司
鲍鱼煮得恰到好处，唔会太硬，配上绿色嘅肝酱，好惹味。至于个寿司饭加入咗红醋，酸度刚刚好！
2. 深海池鱼寿司
鱼味相当浓！
3. 地甘木鲷寿司
呢个鱼比较多油份，要熟成几日先食得，入口香滑。
4. 濑尿虾寿司
赖尿虾入面有好多虾膏！
5. 赤鯥鱼寿司
呢个鱼又系高油份，配上香葱一齐食好香口。
6. 竹签鱼寿司
呢只鱼要用火枪烧左先，烧完摊下再切，否则会挛哂切唔到，师傅放上柚子胡椒，鱼味都浓，感觉清新又惹味。
7. 拖罗寿司
呢个部位呢系边边位，所以好多筋，要用火枪溶啲根后先食得，油分多所以好香口。
8. 白海胆寿司
呢个海胆相当名贵，要竞投得返嚟嘅。我一直都觉得海胆有一种海水味系我唔能够接受，但系呢一只白海胆完全冇𠮶种味道，佢食落口系好清甜，而非鲜甜，令我一改对海胆嘅印象，超级正！
食晒刺身同寿司之后，有鲷鱼汤暖胃，比起面豉汤我更加钟意饮鱼汤，呢碗汤有非常香浓嘅鱼味但系一啲都唔腥，好满意！
最后嘅甜品系水信玄饼，侍应同事都换左杯绿茶。
个糕点晶莹剔透，非常别致，洒上旁边嘅蕨粉，好味道！
张贴
